चम्पुजा हरियाली पार्क दोलखाको चरिकोट नजिकै घुम्न चाहने व्यक्तिको लागि उचित गन्तव्य हो। त्रिपुरा उद्यान भनेर चिनिने यो पार्क दोलखाको सुन्दर पार्कहरुमध्य एक हो। यो पार्क दोलखा जिल्लाको भीमेश्वर नगरपालिका-२ स्थित डुङगल टोलमा अवस्थित छ। यो पार्क दोलखा जिल्लाको सदरमुकाम चरिकोटबाट ६ कि.मि.को यात्रामा पुग्न सकिन्छ । यस पार्क बाट रोल्वालिङ्ग हिमश्रृंखलाका साथै गौरिशङ्कर, नुम्बुर, चेर्दुंग, कालिन्चोक, तामाकोशी नदि, आदि देख्न सकिन्छ । चम्पुजा पार्कको सौन्दर्यताको साथै तपाईँले शक्ति र समृद्धिको प्रतीक, भीमेश्वर मन्दिर, वनारशी महादेव, त्रिपुरासुन्दरी, र विभिन्न चैत्य तथा मन्दिरहरु अबलोकन गर्न सकिन्छ ।
हेरौ जीबन लामाले खिच्नुभयको पाँच तस्विरहरु ।
