लकडाउनपछि सामाजिक सञ्जालमा निकै भाईरल फोटोमध्येमा रानीपोखरीको पनि हो । रानीपाखेरीको नाम नसुनेका, नपुगेका धेरै होलान । तर लकडाउनपछि धेरैका फेसबुक भरिएका थिए । नगरपालिकाभित्रका पर्यटकीय स्थानमध्येमा पनि पर्दैन रानीपोखरी । चर्चामा नआएकै कारण धेरै जना यस स्थानमा नपुगेको हुनसक्छ ।
सदरमुकाम चरिकोटबाट करिव ६ किलोमिटरमा पुग्न सकिन्छ रानीपोखरी । भीमेश्वर नगरपालिका ७ मकैबारीमा अवस्थित रानीपोखरी जंगलको माझमा रहेको छ । सुन्दर र शान्त वातावरणमा रहेको हुनाले धेरैको आकर्षण बनेको छ अहिले ।
पोखरीसम्मै सडक पुगेको छ । मकैबारीबाट भित्री सडकहुँदै जानुपर्छ यस ठाउँमा । सडकबाट करिब ३ मिनेट हिडेपछि पोखरी पुगिन्छ । दिउँसो अधिकांश युवाहरु पौडिखेल्ने गर्छन । सफा र चिसो पानी भएकाले नुहाउन र पौडि खेल्न धेरैको रुची हुनसक्छ । नामजस्तै रानी छ रानीपोखरी । चारैतिरबाट घुमीघुमी हेर्न सकिन्छ । चराचुरुङ्गीको चिरचिर भाकासँगै पोखरीको कलकल आवाजले घण्टौ समय बिताउन सकिन्छ ।
भीमेश्वर नगरपालिकाभित्र शिवपोखरी, राङराङथली पोखरी, भूतपोखरी, सिमपानी पोखरी, खोरथली वनभित्र रहेको रिचार्जपोखरी रहेका छन् भने रानीपोखरी अहिले चर्चामा रहेको पोखरी हो । लकडाउनको अवधिमा समेत धेरै पुगेका छन् यस ठाउँमा । बेलैमा सरसफाई र व्यवस्थापनमा ध्यान दिने हो भने निकै आकर्षक र रमणीय बन्ने छ रानीपोखरी । यसै सेरोफेरोमा जीवन लामा र प्रलाद आचार्यले कैद गरिएका १० तस्बिरहरु ।
![](/public/upload/editor/images/Ranipokhari/IMG_4321%20copy.jpg)
![](/public/upload/editor/images/Ranipokhari/DSC_5651%20copy.jpg)
![](/public/upload/editor/images/Ranipokhari/IMG_4382%20copy.jpg)
![](/public/upload/editor/images/Ranipokhari/DSC_5585%20copy.jpg)
![](/public/upload/editor/images/Ranipokhari/IMG_4375%20copy.jpg)
![](/public/upload/editor/images/Ranipokhari/DSC_5576%20copy.jpg)
![](/public/upload/editor/images/Ranipokhari/IMG_4330%20copy.jpg)
![](/public/upload/editor/images/Ranipokhari/DSC_5573%20copy.jpg)
![](/public/upload/editor/images/Ranipokhari/IMG_4323%20copy.jpg)
![](/public/upload/editor/images/Ranipokhari/DSC_5531%20copy.jpg)